![كاتب شعبي محمد الهياجنه](https://afaqnews.net/wp-content/uploads/2024/05/كاتب-شعبي-محمد-الهياجنه-1.jpg)
انا مش حزبي …
كاتب شعبي محمد الهياجنه
انا مش حزبي …
المواطن غير مهتم بموضوع الأحزاب !!
ولا هو شايف بالاحزاب راح تتغير الأحوال …..
المواطن توقع بوجود مجلس النواب راح تتحسن الأحوال وانتم شايف قديش تحسنت الأحوال يالطيف لطفك !!
وهو اليوم حاسس يلي ما مشي عبر النواب بوجود الأحزاب راح تولع والمر بمر والكل يترحم على ايام زمان !!!
مخاوف تسري بين مواطن عايش سنين عجاف علقم !!!
يخوفي القادم ما راح يتخيل قديش هو خرافي ..
من طبع الكرام المشاركة بالاحتفالات واللقاءات والاشهار والكل بجبر بخاطر الكل كنافة ومشروبات وتصوير بعد كل الكلمات الرنانه..
هذا لا يعني من حضر هو حزبي او مؤازر دعوة على الفيس الساعه والتاريخ وجلسة مكيفة وساعتين والختمة كنافة ناعمة .!!!
زي دعوة على فطور بمطعم بروحوا بطلع مرشح مجهز بيان وبطلب الدعم والمؤازرة وبتناول الحضور الفطور مع الصور وصحه عافية بنزل خبر دعم للمرشح !!!
مع ان الدعوة فطور او تعليلة بمنزل
(غانم من الغانمين ) كنافة وقهوة وحزمة كلام والسلام …
القصة الجميلة الكل عايز يغير وهو بداخله لم يتغير وعايز الناس تصدق هو راح يغير الحال لحال غير الحال شوفتوا قديش سواليف التغير بالسهرات!!
وما راح إشي يتغير…
شكر الله سعيكم…
الحمد لله على نعمة العقل.
حمى الله مملكتنا والهواشم
والجيش والأجهزة الأمنية درع الوطن. والمرابطين بفلسطين جنود الله على أرض الأنبياء والمرسلين