دحدح بطريقة سهله ومضمونة

في البدايه
رح احط ٤ كاسات السميد بصحن غويط ورح أضيف كاسه طحين بنفس الكاسه
ونص كاسه سكر وملعقه كبيره من البيكنج باودر وملعقه كبيره فانيلا وملعقه صغيره كركم
ورح احرك المكونات الجافه مع بعض كثير منيح

رح انزل عليهم كاسه سمنه حيواني
ورح ابس المكونات مع بعض بأطراف الاصابع ت تتفتح عنا حبات السميد

رح احتاج كاسه ونص من الحليب الدافي (نص كاسه الحليب بضيف فيها ملعقه السكر وملعقه الخميره وبحركهم مع بعض كثير منيح حتى يذوب عندي الخمير والسكر ويتفاعل مع بعض

ورح أضيف الحليب بشكل تدريجي على السميد مع الفرك المستمر بأطراف الاصابع (وهون ابدا ما بنعجن بس بنفركهم وبنلمهم لم بأطراف الاصابع) كثير ضروري ومهم

استمريت بأضافه الحليب بشكل تدريجي لتصير معاي عجينه ما بتلزق باليد وما بتشقق
رح اتركها على جنب لحتى حضر الحشوه

بدهن صينيه بالسمنه مقاس ٣٥ او صينيه ٣٠ ب ٤٠
بضيف نص العجينه بالصينيه وبمدها ما بتكون كثير خميله (يعني عريضه)
بعدين بمد الحشوه فوقها
ثم بمد الجزء الثاني من العجينه بفردها على ورق زبده وفوقها ورق زبده وبرقها لحتى تصير بمقاس الي بالصينيه وبنفردها عليها
بقطع العجينه بالشكل الي برنا ياه والتقطيع بيكون لفوق ما بوصل لتحت
بنقش العجينه بالمقاش