![](https://afaqnews.net/wp-content/uploads/2024/07/هنا.png)
لأول مرة: هنا الزاهد تحكي لـ”صاحبة السعادة” قصة طريفة عن تامر حسني
آفاق نيوز _ حلت هنا الزاهد ضيفة على النجمة إسعاد يونس في برنامجها “صاحبة السعادة”، في حلقة تحمل عنوان “ركنة الفضفضة”، وخلال الحلقة كشفت هنا عن علاقتها بالنجم تامر حسني، وإصراره على مشاركة هنا في الغناء معه.
فقالت هنا: “تامر مش عارفة ليه شايفني إني لازم أغني، وفي فيلم “بحبك” سجلنا سوا أغنية، كل اللي حواليه شايفني أني منفعش، بس هو مقتنع، وفعلاً حاولنا نعمل أغنية بس نشزت، فقالي قومي روحي، بس الفيلم الجديد هنغني أغنية فيه سوا”.
وأكملت هنا: “عندما تعرفت إلى تامر حسني في فيلم “بحبك”، كان لازم أتعامل كفنانة ولكني تعاملت بطبيعتي، وحكيت له على موقف وقولتله تعرف يا تامر أنك كنت حاجة كبيرة اوي بالنسبالي وانا صغيرة، تحديداً في فيلم “عمر وسلمى”.
وتابعت: “أنا كان عندي عروسة باربي قصيت شعرها وعملت لها حواجب تخينة زيك، وسميتها عمر وكنا بنتخانق عليها أنا وفرح أختي وكانت ماما بتفض الخناق بينا كثيراً بسب العروسة دي، فأنت بالنسبالي مش كنت فنان كنت عروسة بلعب بيها”.
واختتمت هنا: “أن في اللوكيشن لما تامر يلاقيني زعلانة أو مضايقة فعلشان يخليني اضحك، يقولي الله يرحم العروسة دلوقتي بتمثل قدامك”.