أحمد العوضي يوضح حقيقة خلافه مع محمد إمام

افاق نيوز – بعد الجدل الذي أثير حول المنافسة في شباك التذاكر بين فيلمي شمشون ودليلة وصقر وكناريا، أكد أحمد العوضي أن تصريحاته لم تكن موجهة إلى محمد إمام، مشددًا على أن العلاقة بينهما قائمة على الاحترام والمنافسة الشريفة، بينما جاءت تعليقاته بشأن الأرقام المتداولة للإيرادات التي تصل لإمام عن فيلمه.

وقال العوضي لـ ET بالعربي : أنا مش مخاصم محمد إمام، محمد أخويا وزميلي ونجم كبير وبحترمه جدًا، وباركتله على فيلمه، عشان محدش يتخيل إن بيني وبينه صراع أو عداوة زي ما كانوا متخيلين في رمضان. إحنا بينا منافسة شريفة، والكلام مش موجه لمحمد، الكلام موجه للجهة اللي بتطلع الإيرادات.

وأضاف العوضي أنه يعتمد على الأرقام الفعلية التي يراها على أرض الواقع، قائلًا: اللي ينزل ينزل.. إحنا بننزل الأرقام الحقيقية والدنيا كلها عارفة إن إحنا اللي متصدرين. 15 مليون جنيه في أول أسبوعين، إيه اللي بيقولوا عليه؟ ليه بعمل بوجي وطمطم؟ ده أنا لو بعمل بوجي وطمطم هجيب أكتر من كده.

واختتم حديثه بالتشكيك في بعض أرقام الإيرادات المعلنة، خاصة خلال أيام المباريات الجماهيرية، موضحًا: محمد إمام بينزل اللي بيجيله وأنا كمان بنزل اللي بيجيلي، وأنا برد على اللي بيجيله مش برد على محمد. مين دخل السينمات يوم ماتش مصر والأرجنتين ويوم ماتش مصر واستراليا.. الشوارع كانت متقفلة، ده يوم عيد؟ ده إيراد عيد الفطر.. وإزاي الفيلم يجيب 6 مليون جنيه في اليوم ده؟ الطبيعي إن الفيلم يبدأ عالي وبعد كده ينزل.