بقلم: أبو المرصاد
يا أهل البلد، لما النقابات تنقلب على ناسها، بدنا نرجع نعيد تعريف النقابة من جديد!
نقابة الصحفيين الأردنيين طالعة هلأ تقول:
“يلا ادفعوا 11 ألف دينار رسوم تراكمية… من سنة 2014!”
بس لحظة!
على شو؟
ما في خدمات، ما في عضوية حقيقية.
بس الرسوم “واجب وطني”، وإذا ما دفعت، سكّر موقعك وانقلع؟!
يعني بدل ما تكون النقابة حصن للصحفي، صارت مثل التحصيلات الجامعية:
“ادفع قبل ما تداوم… وما تسأل شو رح تاخد!”
إحنا مش ضد تنظيم المهنة، بالعكس، بس التنظيم مش ابتزاز!
مش لما “يعلق حبلك”، بتصير تدق علينا بأثر رجعي!
طيب اسألونا من 2014 وين كنتوا؟ شو قدمتوا؟
أبو المرصاد بيحكيها وبيمشي: “اللي بيحاسب الصحفي قبل ما يحاسب الفاسد… بده إعادة فرمتة وطنية!”
