كشفت المطربة السورية رنا سليمان، عن رفض نقيب الفنانين، زهير رمضان، طلب انتسابها للنقابة بسبب تعرّضها لإصابة أفقدتها قدرتها على الوقوف خلال سنوات الأزمة في سوريا.
وكتبت رنا سليمان في منشور عبر صفحتها على فيسبوك: “في شي انا كنت مخبايتو بس هلق صار بدي احكي انا بنت سورية خريجة المعهد العالي للموسيقا اتصاوبت بأحداث بلدي الغالي وادمرت كل احلامي يلي كنت عم خطط الها وانا بالمعهد”.
وتابعت رنا: “استشهد اخي واتوفت امي يلي كانت شفائي بهالدنيا ودفعت تمن هالحرب غالي بس قلت معليش هاد وطني ونحنا لازم نكون جنبوا بمحنتوا…عملت حفلة بدار الاوبرا وانا قاعدة ع الكرسي وحضرتني الدكتورة بثينة شعبان”.
وكشفت رفض رمضان لها قائلة: “يلي بدي قولو اني انا لازم كون منتسبه لنقابة الفنانين بس للاسف نقيب الفنانين ماقبل كون نقابيه بحكم اصابتي وهاد على اساس قانون مع انو انا مغنيه يعني بقدر غني ان كنت واقفه او قاعدة نفس الشي …مع انو كتير ناس اخدت النقابه وهيي عندا مشاكل اكتر مني”.
وأكدت أنها لم تكن تريد الحديث، ولكن انتخاب رمضان مرة أخرى استفزها، وقالت: “ماكنت حابة نزل هالبوست بس معقول اتكافأ بعد كلشي مريت في اني ما كون نقابيه ع القليله مشان ما قول اني خسرت كلشي …بس عنجد يلي دفع تمن غالي دفعوا ع الفاضي …خسارة ….الكل عم يباركلك بعد الجرح يلي سببتوا”.
وكشفت أنها رفضت فرصة للعلاج بالخارج، وقالت: “وهلق رح خبركن عن الفرصه يلي بندم انو اجتني ورفضت وهيي اني سافر واتعالج برا البلد…رفضت لاني بتنفس هوا سوريا..ومستحيييل مشان العلاج احكي كلام مرفوض بالنسبه الي ولبلدي”.
يذكر أن رنا أصيبت عام 2011 برصاص قناص في قدميها أفقدها القدرة على المشي واضطرت إلى التوقف عن دراسة الموسيقا في المعهد العالي لفترة من الوقت بسبب الإصابة والعلاج.
عذراً التعليقات مغلقة