افاق الاخبارية
حلفت بباب الوطن .. ومفتاح الدار
شجون / عوض ضيف الله الملاحمه
حلفت .. بباب الوطن
حلفت .. بمفتاح الدار
حلفت .. بملعبنا لما كنا زغار
حلفت .. بالزعتر والشيح والقيصوم
والشحّوم ملفوف على الخصر زنار
حلفت .. بطفولتنا وقنصنا للشنار
حلفت .. بشقاوتنا وصيدنا
للارنب البري نقنصه بايدينا
أنا وأخوي مصلح الجسور المغوار
ترى كنّا .. رجال بس بالعمر زغار
حلفت .. بترابك زحوم الحبيبة
اللي بينساكِ تراه .. أكّال .. ونكّار
حلفت انا .. بربيع بلادي
حلفت .. بالدحنون والنوار
حلفت انا .. في حُب الشعب للوطن
اللي سيج من ضلوعه .. طوبار
كنا كلنا رجال .. كنا كلنا احرار
نمشي بظلام الليل .. ما نهاب
رافعين روسنا .. شامخين
مثل المتوّج باكليل الغار
كنا ما انخاف .. ولا عندنا اسرار
ولا نعبأ بالذهب ولا الدينار
كنّا نكرم الضيف ونعزم اللي مار
كنا نهش ونبتسم لما يجينا خُطّار
دار الزمن علينا وتغيرنا
ما حسبنا حساب ان الزمن دوار
عذراً التعليقات مغلقة